答問：DEFI做usdt/usdc質押有幾十%回報係咪正常？

Jpex果時我講過，咁係唔正常。
但實際上不能太簡單一刀切，要再一步去睇。
簡單說的話，的確這不是常態，但有時市況下會有短期波動project出短期幾十%年化，這是正常的非常態現像。

實際點，就要睇幾十%apy背後點黎。

1）坊間defi, 其年化背後其實是一種lending vs borrow資金池原理。
當demand大,多人borrow,推高lending年化係有可能推高利率。

2）那麼demand大背後原因可能是什麼？
可能市況向好，多人借usdt買貨。
也有可能是usdt本身在其他defi上的低風險利率就很高，人們就借usdt來套息差。

一般defi能給你上百%年化的，往往有幾種：

1）有合理機制去產生回報，但正常不是那麼高，但是短期市況波動project的年化。

2）回報是基於個別crypto去計算，即可能一年後你賺到某隻幣的若干倍數量（+100%）。但留意實際上幣價會升跌，如果你用法幣換算可能幣數量增加但整體價值卻萎縮了。

3）有合理的經濟機制去support回報。類似case 1，但這是一種常態。不是不可能的，但當然可能會有個別風險因素。

4）呃人擺錢，龐氏騙局。

case 3那種，你說抵不抵？可能很抵做。
正常情況抵做應該好多人爭住做，令利潤飽和，繼而拉低回報到市場均衡點。
但這是基於完美市場，有充分市場資訊，人們又很理性做選擇。
實際上crypto還是一個社會上認知與資訊不充分的狀況。而且有case 4增加正確資訊辨識。而且資金運用效率不完美，所以還是有些套息套利之類較易存在被看見。

假如我話有1，2，3，別人也應該要擔心是4。
但我本身沒有任何本分責任去告訴或說服其他人些什麼，所以真係講下就算。別人自有別人自身的research。

用當下情況舉個例:

defi既solend, 而家依一刻USDC利息年化53.53%, USDT利息年化25.57%。
咁你睇borrow個利率, USDC 72.66%, USDT 35.22%。

咁真係有人俾高息借緊錢, 咁相對俾返個對應利息lending係完全合理wo。
咁但係依個case係fall into係"正常既非常態現象"。

都係果句, 如果美金穩定幣做到50%+利率, 好多人鳩衝去存錢, 同埋借錢既人都驚高息會還錢。所以過一段時間就有可能利率飽趨向返個低d既息口, 去返可能5-15%果d。